贖身基金組合

想建構一個贖身基金,集合不同股票,藉以分散風險,同時收取穩定股息,每個月有糧出,一步一步邁向財務自由。多謝 FCH兄 提供分享個個月有糧出組合,贖身基金有大部分股票都是參考FCH兄的選擇。 一月 1373 日本城 2018年1月26日( 中期息HKD 0.052) 138...

2018年5月14日 星期一

遊日

最近請咗一星期假,與老母同遊大阪。呢次係佢第一次去日本,覺得好新奇,而且反應都好經典,都係盛讚日本周圍好乾淨、好整齊,日本人又有禮貌,服務周到。去京都嵐山,見到啲植被上面有滿佈蘚苔植物,佢直言自從好細個係鄉下見到後,就再無見過,真係要環境零污染先可以孕育呢啲植物,嘆謂中國污染真係嚴重,而家連鄉下地方都見唔到呢啲以前覺得理所當然既植物。

呢次遊程除咗帶老母周圍遊歷,仲搵咗機會見唔少日本朋友,有啲係以前遊行結識的,有啲係o係之前介紹既語言學習APP HELLOTALK度識既,有唔少練習日語既機會,雖然十句有九句都聽唔到對方講緊,被逼用返英文,但簡單既日常生活用語,講下講下已經有信心講出嚟,最緊要係我份人厚面皮,唔驚錯。講起厚面皮,好似仲爭RX10兄一篇講關於如何消除學習語言過程中既affective barrier,我已經搵咗啲資料,會盡快寫 :)

返嚟香港後,咁啱日本嚟既朋友又係我到埗果日嚟香港,翌日即刻化身本地導遊,帶佢地上山下海玩,其實好多地方我都好耐無去過,好似南丫島、長洲同大嶼山咁,其實香港既風景真係唔比外國差。做幾日導遊,都感覺到呢份工作既辛苦哈哈,要早過團友起身,又夜過團友瞓覺,好彩朋友們都玩得開心,我又學到日文,佢地又吃到美食,欣賞到靚景,雙嬴 :)

***
講返股票,真係無財運,剛沽出日本城,大神DAVID WEBB就增持,搞到我賺少2成,不過唔緊要,反正沽出的資金另有用途,未必嬴唔返,可能仲可以賺得更多。

***
講讀書,明明發咗誓唔再讀書,但又屎忽痕走去讀法律,不過,有謂「Never give up on a dream just because of the length of time it will take to accomplish it. The time will pass anyway.
—H. Jackson Brown」,反正時間點都會流逝,不如用盡佢,塞滿自己既時間表。

2018年4月24日 星期二

沽日本城

近日1373主席劉先生又再開始回購股份,成交量回升,昨天便趁機沽出日本城,連同派息,回報大約有13%,所換取的現金將留待0003中華煤氣除淨後的低位入貨。

由於會一次過買入數手煤氣,所以在月供股票計劃把煤氣轉為中電。煤氣轉中電的理由是,我察覺煤氣每年派紅股除淨後,都會跌穿除淨後的價格,並在低位徘徊一段時間,待除淨後大手買入,會比月供划算;中電則一年派四次息,一年理應至少出現四次相對的低位,月供股票的目的是期望股價下跌時可以買入更多股數,月供中電似乎更合乎平均成本法的原則。

2018年3月20日 星期二

煤氣(00003)業績


煤氣(00003)公佈截至20171231日止去年度業績,錄得盈利約82.28億元,按年增加約12%,派末期息每股23仙,而2018年仍會繼續按10股現有股份可獲派送一股新股。

業務亮點

  • 受惠於內地「煤改氣」,城市燃氣和天然氣業務將持贖增長。

  • 生物質轉化成清潔能源及化工產品亦受惠於內地鼓勵產業導向的政策

  • 全資附屬公司名氣通電訊有限公司利用「煤氣管道光纖技術」和「同溝共建技術」拓展內地光纖網絡及數據中心集群和雲平台,提供網絡連接、數據中心及雲端服務。

煤氣有別於中電、港燈等傳統公用股,除了積極發展本業,還利用本業已有的設施發展其他相關項目,產生協同效應,而且所發展的新業務,不是受惠於國家政策(天燃氣、環保清潔能源),就是配合新科技的發展大勢(光纖、數據中心),既有傳統業務提供源源不絕的現金流作為後盾,又有新業務促進增長,是值得長期持有的好公司﹗

本人透過月供股票計劃買入煤氣,而且會預留少量資金,待煤氣股價相對低的時候買入。希望長期持有,長期收到股息,最重要的是,每年收到十送一紅股,只要繼續派發紅股,現有股數在七年後就會翻一倍。


2018年2月20日 星期二

調整後入的貨

恒指早前一連串大調整後,蒸發了大部分利潤,而且看到倉位有不少中細價股的跌幅嚇死人,被震走了一些體質好的股仔,反彈更不想補回,所以決定換馬。

清走了2788精熙及398東方錶行,換入更多的778置富及3煤氣。

另外,炒私有化蟹了的272瑞安,由於跌幅太大,便任由它繼續浮沉吧。

2018年2月5日 星期一

人抄我又抄R兄《十年前的我》

睇完R兄同小子兄寫,我又想過下手癮寫。


學業/事業:

10年前,大學一年級,讀第二志願學科(AL太大想頭,想讀醫科,點知科科成績都差一個grade先入到),整個大學生涯都無投資、無儲蓄,只係靠做當時仲好好搵既私補,賺下生活費、學費同埋旅行費,一路讀一路覺得唔適合教書,最終係畢業果年睇咗人生第一本理財書籍《窮爸爸富爸爸》,就覺得自己好有諗法同與眾不同,唔可以打死一世工,要創業做企業家,結果用咗兩年,當然係慘淡收場,但亦都學到唔少嘢,起碼10年後望返轉頭,知道自己一啲成功既因素都無,唔蝕到破產都算偷笑。輾轉做過報社翻譯、教過下大專院校啲19英文課程(但係係人生最輕鬆既工作)、再做返翻譯,有穩定既工作先開始儲到錢,先開始睇BLOGS同書,比較股票投資同以前創業既投資回報後,更加覺得世上唔會有咁易咁高收益既嘢俾我搵到,造就而家漸趨腳踏實地而又可以平衡自身劣根性既投資風格。


10年後亦更珍惜平淡既生活,原來有固定既時間表,係在工餘時間努力追尋自己既興趣同陪伴家人,同埋為將來半退休生活帶嚟既自由而努力一步步默默耕耘既感覺好正,好適合我。而家工作時同工餘時間都活得比之前盲目創業既時候更有目標。希望40歲前可以完全財自。




投資:


10年前無任何投資同儲蓄,白紙一張,試過炒股,但只係買咗一兩隻,仲要係專門搵當日十大跌幅最大股票,搏反彈,成功過一次,之後又輸返,就無再買。睇咗《窮爸爸富爸爸》後,就開始睇唔同既理財資料,亦都睇咗唔少LIFESTYLE DESIGN既書,影響我最深既係 Tim Ferriss/Jesse Televov,呢啲lifestyle designer令我知道人生真係充滿不同既可能性,亦真係有好多唔同既方法可以達到理想生活、學到想學既技能、醫好難醫既病,近年更有幸拜讀各位BLOGGER既鴻文,日日都有所得益,10後既今日,開始識用股票賺錢同埋建立現金流,當現金流同股票資產達到某個水平時,我會考慮將資金分散至其他類型既資產,但當下只係想集中精力做好一件事先。




理想生活:

10年前我既夢想係賺大錢早啲退休,10年我既理想係有穩陣既被動現金流,支持自己喜歡既生活,如果事情按照計劃發展,可能會先半退休,係日本/泰國/南美短住幾年,學習自己喜歡既文化同語言。

2018年1月23日 星期二

N5日本語能力試験合否結果


得点区分別得点
Scores by scoring section
総合得点
Total score
言語知識(文字・語彙・文法)・読解
Language Knowledge (Vocabulary / Grammar)
Reading
聴解
Listening
106 / 120
41 / 60
147 / 180

参考情報
Reference information
文字・語彙
Vocabulary
文法
Grammar
読解
Reading
A
A
A
A よくできた (正答率67%以上)
B
できた (正答率34%以上67%未満)
C
あまりできなかった (正答率34%未満)
A : Good (The number of correct responses is 67% or higher)
B : Fair
 (The number of correct responses is between 34% and 66%)
C : Poor
 (The number of correct responses is less than 34%)
合格
Passed

***

試做「言語知識(文字・語彙・文法)・読解」的模擬試題時已經覺得十拿九穩。由於考期在即,沒有時間詳細一課課的去讀遍《大家的日本語》和完成書內的練習題,所以只是讀了教科書附帶的導讀書裡面的文法和單詞部分,再讀了一本總括N4、N5的文法書,就衝上戰場了,但仍能應付該部分。

至於聽解,平時只顧言語知識和読解部分,根本沒有時間練習読解,只是在考試前匆匆做了幾份模擬試卷,成績也只是徘徊在4~5成,可幸的是,實際考試的語速沒有模擬試卷的快,所以平時有些絕對聽不到的,在考試時也大概聽到了。

接下來半年會全力準備N4。有人說,N4/5都是很簡單的,為甚麼不直接考N3?大部分人都是寧可辛苦點,花多點時間準備,以便一躍而上考N3。我覺得自己是自學的,遇上很多問題都是靠問GOOGLE和日本朋友,進度可能比較慢,而且,輕鬆的一級級考上去比較適合我的生活節奏,也樂在其中,而且我又不是為生活所需及工作而讀日語,無謂逼得太緊吧?

N4將於2018年7月舉行,而N3則於2018年12月舉行,希望今年內可以完成兩級考試 :)


2018年1月22日 星期一

HelloTalk

最近下載了一個叫HelloTalk的手機應用程式(アプリ),是一個介面結合FACEBOOK和INSTAGRAM元素的語言學習平台。

設定了自己的母語和想學習的語言,新聞動態界面就會集中出現相應的陌生用戶所發出的帖子,覺得有興趣做朋友的就可以隨意FOLLOW(フォロー),隨意互相傳文字訊息(メッセージ)、語音訊息和圖片,十分方便,也很容易交到朋友。

由於平台已表明是專注服務有興趣學習語言的人士,所以註冊用戶都帶着這個目的加入平台,願意定時發文和聊天,互相學習,我用了一星期,覺得平台的用戶量很多,而且除了傳統的UGC(user-generated content)元素外,還加入很多有助語言學習的輔助工具,例如我正在學習日語,點擊日本朋友的日語信息,便可即時翻譯文字知道意思、把文字轉化成羅馬字學習原文讀音,還可以儲存覺得有用的訊息,方便日後溫習。HelloTalk還有一個更強大的功能,就是能修改對方的訊息,協助改正病句、錯句,使學習更容易和更具效率。

短短一星期已與幾個日本人成為language partner,互相交流,頓時覺得所學的日語有了生氣,可以和真人溝通了,而且從帖文也可以看到好多風土人情,現在也沒甚麼時間上FACEBOOK和INSTAGRAM了,哈哈。